Një ngjarje tragjike ka ndodhur në Mal të Zi, ku 19-vjeçarja shqiptare Sheila Bakija është vrarë me armë zjarri nga bashkëshorti i saj, ndërsa nga të shtënat është plagosur rëndë dhe babai i vajzës.
Ngjarja ka ndodhur në Tuz, ndërsa autori i krimit, Ilir Gjokaj 28 vjeç është larguar me një makinë “Audi” dhe ndodhet në kërkim nga policia.
Ndërkohë autoritetet po punojnë edhe për të zbardhur rrethanat e plota të ngjarjes së rëndë.
Mësohet se 19-vjeçarja e kishte denoncuar në muajin gusht partnerin e saj për dhunë, por ai nuk u dënua, pasi Prokuroria e Podgoricës u shpreh se në këtë rast nuk kishte vepër penale.
