Pas një beteje të gjatë me koronavirusin, ka ndërruar jetë në moshën 59-vjeçare gazetari dhe komentatori sportiv Kostandin Grillo.

Komentatori dhe gazetari i njohur u prek pak kohë më parë nga ky virus ndërsa gjendja e tij e renduar e detyrojë të udhëtojë drejtë Turqisë për një mjekim më të specializuar.

Që nga 27 gushti, Kosta Grillo ishte në intubim por pa mundur dot të mposht këtë virus pavarësisht se të gjithë miqtë e tij, kolegët e të afërm u bashkuan për ti dhënë mundësinë që të kurohej me teknika më të specializuara.

Lajmin e hidhur për ndarjen nga jeta e kanë dhënë miqtë e tij përmes rrjeteve sociale. Ervin Petraq Baku shkruan “Vëllai ynë nuk ja doli dot. Të ndrittë shpriti Kosta Grillo”.

Ish-futbollisti dhe trajneri i disa klubeve sportive në Shqipëri, Përparim Daiu ka shprehur keqardhjen për ndarjen nga jeta të Grillos.

“Lamtumire i miri Kosta Grillo ….lamtumire mbreti…lamtumire miku i futbollistave trajnereve ish futbollistave dhe i gazetareve. Pushofte ne paqe shpirti juaj” – shkruan Daiu.