Një ngjarje e rëndë është regjistruar sot në zonën e Astirit në Tiranë, ku një apartament është përfshirë nga flakët.

Ngjarja ndodhi rreth orës 05:55, në katin e tretë të një pallati. Mësohet se një si pasojë e flakëve, një grua është hedhur nga dritarja e banesës për t’i shpëtuar zjarrit.

Gruaja ka ndërruar jetë si pasojë e plagëve të marra në spital. Ajo është identifikuar si shtetasja Hava Osmanaj, ndërkohë që i lënduar ka mbetur dhe djali i saj, Klodjan Osmenaj, 36-vjeç, i cili po merr kujdesin e nevojshëm në spital.

Aktualisht ai ndodhet në spital, jashtë rrezikut për jetën. Si pasojë e tymit janë evakuuar disa familje, të cilat gati janë asfiksuar. Deri më tani nuk dihen rrethanat se si ka rënë zjarri në banesë.