Në datën 29 tetor është caktuar të mbahet seanca gjyqësore në Gjykatën e Apelit për ish-drejtorin e RTSH-së, Thoma Gëllçin i cili e ka ankimuar vendimin për arrestimin e tij.

Thoma Gëllçi akuzohet për veprën penale ‘shpërdorim detyre’.

Ish-drejtori i RTSH-së u arrestua më datë 8 tetor së bashku tre punonjës të këtij institucioni.

Sipas SPAK është regjistruar një procedim penal për veprën “shkelje të barazisë së pjesëmarrjes në tendera apo ankande publike“.

Nga hetimet ka rezultuar se Thoma Gëllçi ka kryer shkelje ligjore në një procedurë prokurimi, shkelje këto të kualifikuara në elementët e veprës penale “Shpërdorimi i detyrës”.

Bëhet fjalë për procedurën e prokurimit me objekt “Blerje pajisje për kanalin RTSH Agro”, me fond limit afro 87 milionë lekë të zhvilluar në datën 9 nëntor të vitit 2018.

Tre anëtarët e komisionit të vlerësimit të ofertave që u arrestuan janë: Ervin Muraj, Alban Malaveci, Julian Tapia.