Nënkryetarja e PD-së Grida Duma ka reaguar pas helmimit të mbi 300 qytetarëve nga uji në Krujë.

Në një video-mesazh në “Facebook”, Duma nxjerr, nga njëra anë,  kohën kur kryeministri Edi Rama inauguronte ujësjellësin e Krujës, dhe nga ana tjetër, dëshmitë e qytetarëve të helmuar nga spitali, të cilët thonë se ju dhemb barku nga uji.

Përmes një deklarate Duma thekson se vuajtjet e sotme të krutanëve janë përgjegjësi e shkaktarëve të qeverisjes.

Nënkryetarja e PD flet për një propagandë të neveritshme të kryeministrit ndërsa kërkon zbardhjen e të vërtetës.

Postimi i Dumës:

Mbi 300 numri i të helmuarve nga uji, siç thonë vetë të shtruarit në spitale. Kjo katastrofë ka prekur fëmijë e të moshuar.

Vuajtjet e sotme të krutanëve janë përgjegjësi e shkaktarëve të qeverisjes. Kujtojmë kur pikërisht për ujësjellësin në Krujë, Kryeministri bëntë xhiron e cirkut të lëvizsshëm të propagandës se vet të neveritshme.

Hetimet duhet të zbardhin të vërtetën, kush luan me ujin, luan me jetën.