Stefano Pioli shprehu dëshirën për të qëndruar sa më gjatë në krye të Milan, një dëshirë që me sa duket drejtuesit e klubit kanë ndërmend t’ia plotësojnë. Piolit i përfundon kontrata në fund të këtij sezoni, por e ardhmja e tij do të vijoj të jetë kuqezi. Sipas “Tuttusport”, klubi ka si opsion shtyrjen e kontratës edhe për 12 muaj, por palët janë duke diskutuar për një kontratë të re dy vjeçare.

Gjithnjë sipas të përditshmes italiane, në kontratën e re parashikohet një rritje e pagës nga 2,5 në 3,5 milion euro plus bonuse. Pioli është arkitekti i këtij ekipi, një trajner që me qetësi arriti të rikthej Milan në Champions League pas një kohë të gjatë ndërsa këtë sezon janë në garë me kohë të plotë për të synuar titullin kampion.