Dënim maksimal është kërkuar nga familjarit e 8-vjeçarit që u vra në mënyrë makabre nga 38-vjeçari, Klodian Çalamani, për të cilin pritet që ditën e sotme të jepet masa e sigurisë.

Ata kanë ngritur akuza ndaj pushtetit vendor, pasi sipas tyre nuk ka vepruar siç duhet. Nga mosfunksionimi i institucioneve, sipas tyre humbi jetën edhe një vogëlush.

“Po të ishte punuar kriminelët do të ishin identifikuar. Por pushteti vendor nuk ka punuar”, ka thënë një qytetare.

Zemërimi i qytetarëve është i lartë. Prej orësh ata ndodhën në Gjykatën e Fierit dhe kërkojnë drejtësi. Ata kërkojnë njëzëri “Varje” për autorin.

“Policia punon, por i lë gjykata. Pisa janë , edhe avokatët mbrojtës që i dalin në krah këtyre ordinerëve”, është shprehur i revoltuar një qytetar.

“Ditë për ditë këtu do të jemi. Unë jam i vdekur”, ka thënë mes lotësh babai i djalit të vrarë.

“Atë djalë nuk e lëmë, o do të varet o s’ka. Nga shteti nuk shpresojmë”, është shprehur e ëma.

“Unë i jap bukë me lekët e mia. Unë të punoj ai të ushqehet në burg. Me varje të dënohet”, është shprehu një tjetër qytetar.