Një 50-vjeçar ka rënë në pranga nga policia e Fierit pasi për motive të dobëta, ka goditur duke e dëmtuar lehtë me mjet prerës vëllain e tij i cili ndodhet në spitalin e Fierit nën kujdesin e mjekëve.

50-vjeçari me iniciale A.F., banues në Lalar të Fierit ka qëlluar me kosër 45-vjeçarin me iniciale B.F., i cili ndodhet në spitalin e Fierit nën kujdesin e mjekëve.

Nuk dihen ende cilat kanë qenë shkaqet që degraduan debatin drejt përdorimit të dhunës mes tyre.

Fier

Specialistët për Hetimin e Krimeve në Komisariatin e Policisë Fier arrestuan në flagrancë shtetasin A. F., 50 vjeç, banues në Lalar, Fier, pasi për motive të dobëta, ka goditur duke e dëmtuar lehtë me mjet prerës (kosore) vëllain e tij, shtetasin B. F., 45 vjeç, i cili ndodhet në spitalin e Fierit nën kujdesin e mjekëve.

Specialistët e Sektorit të Qarkullimit Rrugor në DVP Fier arrestuan në flagrancë shtetasin A. K., 21 vjeç, banues në Patos, pasi është kapur nga shërbimet e Policisë, duke drejtuar motomjetin pa leje drejtimi.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.