Të tjera detaje dalin në dritë në lidhje me ngjarjen e rëndë ku një autobus u përfshi në aksident dhe më pas shpërtheu në flakë e për pasojë 46 persona humbën jetën.

Ngjarja ndodhi në Bullgari, ndërkohë që pasagjerët ishin nga Maqedonia e Veriut, mes tyre shumë shqiptarë. Shkak i aksidentit dyshohet se ka qenë tejkalimi i shpejtësisë, ndërkohë që mendohet se drejtuesi ecte me shpejtësi mbi 100km/h.

Sipas policisë, drejtuesi i autobusit ka gabuar pasi po lëvizte në korsinë e djathtë, ndërkohë që ka pasur fërkim metal-metal që krijoi edhe zjarrin.