Dita e sotme do të vijojë të jetë nën ndikimin e masave ajrore të paqëndrueshme. Shqipëria do të ketë kryesisht mot të vranët dhe me intervale të shkurtra me diell.

Reshjet e shiut do të jenë të pranishme në Ultërsirën Perëndimore dhe përgjatë bregdetit në formën e rebeshit dhe stuhive, të shoqëruara edhe me shkarkesa elekrtike.

Në zonat malore mbi 1 mijë e 400 metër priten reshje bore me intensitet të ulët deri në mesatar.

Era do të fryjë me drejtim nga kuadrati i jugut dhe me shpejtësi 1-8 m/sek. Përgjatë vijës bregdetare do të fitojë shpejtësinë 20-25 m/sek. Valëzimi në dete do të jetë i forcës 5-6 ballë.

Temperaturat: në zona malore 2 deri 10°C, në zona e ulëta 10 deri 18°C dhe në zona bregdetare 11 deri 18°C.