Një plagosje e dyshuar me armë zjarri silenciator është regjistruar pak minuta më parë në qendër të qytetit të Shkodrës.
Është plagosur ish-kryetari i komunës së Velipojës, Pashko Ujka. Ngjarja e rëndë ka ndodhur në qendër të qytetit të Shkodrës, në afërsi të Kishës Ortodokse.
Ngjarja ka ndodhur pranë zonës së njohur si lulishtja e Universitetit ku autori ka shfrytëzuar errësirën për të qëlluar ndaj shënjestrës dhe më pas është arratisur nga vendngjarja.
Pashko Ujka raportohet se ka marrë plagë në shtyllën kurrizore dhe është transportuar drejt spitalit të Shkodrës, ku ndodhet jashtë rrezikut për jetën.
