Teksa jashtë Kuvendit tetraplegjikët zhvillojnë një protestë, kryeministri Edi Rama është ndalur dhe ka biseduar me ta.

Kryeministri Edi Rama u ka premtuar se brenda pak ditësh do të takohet me ta për t’u dhënë një përgjigje shqetësimeve të tyre.

Rama tha se sot ata do takohen në Parlament me ministren e Financave, Delina Ibrahimaj për të dëgjuar shqetësimet e tyre.

“Tani unë nuk mundem dot t’ju marr brenda se duhet të iki se kam lënë një orar me vaksinën e ka një sërë takimesh të tjera.

Për momentin do ju presë ministrja brenda pastaj unë do flas me minsitren do shikoj cfarë ka marrëveshja e do ju kthej unë përgjigje brenda pak ditësh se nesër do shkoj në SHBA e kur të kthehem nga SHBA do merem se s’është nevoja për të qenë këtu për tu marrë por kur të kthehem do flasim. 

Të shohim çfarë ka marrëveshja e pastaj të shohim cfarë do bëjmë tani do i them ministres t’ju presë brenda. Mos rrini me ne shi tani, futuni, shkoni, djema ju gazetaret qe futeni brenda kollaj shoqerojini deri aty”, tha Rama.