Kryeministri Edi Rama ka publikuar në rrjetin social Facebook një video me rrëfimet nga disa pacientë të shtruar në spitalin Infektiv teksa apelon për kryerjen e vaksinës anti-Covid.
Nëpërmjet kësaj video-mesazhi kryeministri Edi Rama i bën thirrje qytetarëve të vaksinohen kundër COVID-19. Qytetarët e prekur nga koronavirusi dhe të shtruar në spitalin COVID, tregojnë vështirësitë më të cilën po përballen për shkak të virusit.
Duke iu referuar deklaratave prekëse që bëjnë të shtruarit në spital, Rama thotë se kjo është pasojë e vendimit për të mos u vaksinuara.
“Kur përballesh me vendimin e gabuar për të refuzuar vaksinën😢
#VaksinohuPlotësisht💉
#BëjDozënPërforcuese🙏
#ShëndetiMbiTëGjitha🤍”, shkruan Rama.
“Në familjen time të gjithë janë të vaksinuar, përveç meje sepse ajo ishte zgjedhja ime. Dhe kjo zgjedhje e gabuar më çoi këtu ku jam. Dua të them që të gjithë të rinjtë pa përjashtim duhet të vaksinohen”
“Po ju them të gjithëve të vaksinohen se do të përfundoni si puna ime këtu”
“U bëj thirrje të gjithëve mos ta marrin për shaka”
“I bëj thirrje të gjithë moshës të rinjve, se 45 vjeç jam edhe më të vegjël, të vaksinohen një orë e më parë. Po të ishim vaksinuar do të ishim në shtëpi me kalamanjtë”, shprehen qytetarët.
