Një ngjarje e rëndë është shënuar në Lakoni të Greqisë ku një 40-vjeçar shqiptar ka mbytur për vdekje gruan e tij duke I vënë duart në fyt.

Sipas njoftimit zyrtar të policisë ai debatoi me 36-vjeçaren dhe situata agravoi deri në vrasjen e saj.

Burri njoftoi vetë autoritetet për krimin që kishte kryer

Policia ka mbërritur në shtëpi dhe ka konstatuar se gruaja ishte pa ndjenja. 36-vjeçarja u transportua me autoambulancë në spitalin e zonës ku edhe u konstatua vdekja.

Mësohet se çifti ka pasur edhe dy fëmijë.

Kjo është vrasja e 15 e një gruaje nga bashkëshorti i saj në Greqi në 11 muajt e fundit. Shkak për këtë ngjarje të rëndë dyshohet se janë bërë problemet që ata kanë pasur me martesën.