Një ngjarje tragjike ka ndodhur në një familje në Greqi, në rrugën e Olympias. Vëllai 34-vjeçar ka vrarë motrën dhe më pas ka kryer vetëvrasje.

Ata jetonin bashkë me nënën e tyre, e cila u kishte ndërruar jetë kohët e fundit.

Pas vdekjes së saj mes dy të rinjve kishin nisur konflikte të vazhdueshme si pasojë e gjendjes së rënduar psikologjike.

Ata kishin edhe një vëlla tjetër, i cili ka gjetur trupat e pajetë të dy viktimave në banesë.
Mediat fqinje shkruajnë se pranë trupave është gjetur një armë, me të cilën dyshohet se është kryer edhe vrasja e më pas vetëvrasja.

Dëshmitë e njerzve:

“Njerëz shumë të mirë, fqinjë të mirë dhe punëtorë. Mami u largua nga jeta shtatë muaj më parë. Çfarë të them. Fëmijë shumë të qetë. Babai i tyre më tha se djali po bëhej gati të martohej dhe gjynah që iku, se nuk do të shohë nip”, shprehet fqinji i tyre për protothema.gr.

Një tjetër dëshmitare nga vendi i ngjarjes thotë se: “Ata kanë humbur nënën para 6-7 muajsh. Dy fëmijët nuk punonin. Nuk di detaje, e vuajtën vdekjen e saj, ishte një grua me kancer që kishte kaluar shumë. Ka një vëlla të tretë”.