Teksa në selinë blu kanë zbarkuar demokratë që mbështesin ish-kryeministrin Sali Berisha dhe nga një anë kryeopozitari Lulzim Basha po zhvillon një takim për raportimin e Grupit të Punës për zgjedhjet në FRPD, një mesazh domethënës vjen nga deputetja Flutura Açka.
Deputetja e Partisë Demokratike, Flutura Açka, ka reaguar pas denoncimit të Sali Berishës se njerëz të armatosur sipas tij kanë kërcënuar të rinjtë mbështetës të ish kryeministrit në ambientet e selisë blu.
Përmes një postimi në ‘Facebook’ thekson se armët e tyre janë fjalët dhe zemrat demokrate.
“Armët tona janë fjalët dhe zemrat demokrate. Me Inën, Flamurin dhe Orjolën”, shkruan Açka, duke iu përgjigjur kështu dhe pretendimeve të përfaqësuesve të Berishës se në zyrat e FRPD-së kishte njerëz të armatosur.
