Komisioni hetimor për impiantet e trajtimit të mbetjeve urbane u përfshi nga debatet dhe diskutimet sot, lidhur me inceneratorin e Fierit, ku deputetët anëtarë të komisionit zhvilluan një vizitë një ditë më parë.

Përfaqësuesit e mazhorancës thanë se është e vërtetë që në këtë impiant nuk bëhet incenerim i mbetjeve, por nuk është i vërtetë fakti që ai nuk është funksional.

Ndërsa përfaqësuesit e opozitës thanë se inceneratori i Fierit është “një skenë krimi” duke e quajtur “aferën më të madhe në këto 30 vite”.

Ndërkohë që kryetarja e komisionit hetimor, Jorida Tabaku tha se do të shtohet lista e dëshmitarëve kur për të raportuar do të thirren edhe anëtatët e komisionit të vlerësimit të ofertave dhe njësia e zbatimit të projektit.

“Po është e vërtetë që dje shkuat në një skenë krimi e di që ishit skeptik po më mirë që shkuat. Fieri plehra ka por nuk i kishte në inceneratorë, i kishte jashtë.
Unë e kuptoj që dokumentet i shohim ndryshe, po e lexojmë ndryshe e jo ndryshe, por kur i sheh me sy faktet që incenratori nuk punon, është fakt që nuk e nmdryshon dot askush,.

Dhe me propozimin e Gështenja kërksa për thirrjen për dëshmitar pranohet e do propozoj që për inceneratorin e Fierit të shtoja anëtarët e komisionit të vlerësimit të ofertave dhe njësinë e zbatimit të projektit për t’ju shtuar listës së dëshmitarëve”, u shpreh Tabaku.