Ka nisur në Komisionin Hetimor për Inceneratorët  marrja në pyetje e kryebashkiakut Erion Veliaj. Ky i fundit ka thënë se nuk ka pasur as komunikim dhe asnjë takim me pronarët e kompanive të inceneratorëve.

Sipas tij është njohur me pronarët e inceneratorëve, pas fotove që ka parë të tyre me demokratin Gert Bogdani.

Pjesë nga debatet:

Tabaku: Zoti Veliaj, kur e keni filluar detyrën?

Veliaj: E kam filluar këtë detyrë që në vitin 2015, dhe jam përballur me një emergjencë mjedisore… kam filluar menjëherë pas administratës suaj.

Tabaku: E njihni Klodian Zoton, Mirel Mërtirin dhe Stela Gugallin?

Veliaj: Po i kam parë në foto me zotin Gert Bogdanin, që ka qenë sekretar për marrëdhëniet me jashtë në PD.

Tabaku: A keni udhëtuar ndonjëherë me ta, apo kontaktuar përmes telefonit

Veliaj: Nuk kam udhëtuar asnjëherë me ta, por di që kanë udhëtuar në Zimbabve me përfaqësues të Partisë Demokratike  Nuk kam kryer asnjë diskutim apo fluturim të tillë

Tabaku: Të kujtoj se dhënia e dëshmisë së rreme është vepër penale

Gjatë ditës së sotme në Komisionin Hetimor për Inceneratorët, pritet që të japin dëshmitë e tyre disa zyrtarë të lartë, përfshirë ish-minsitra.

– Erion Veliaj –  Kryetar i Bashkise Tirane

– Engjell Agaci – Sekretar i Pergjithshem i Kryeministrise

– Damian Gjiknuri – Ish Minister i Energjitikes dhe Infrastruktures

– Alqi Bllako – Deputet i PS.