Ilir Shaqiri është shprehur se Donald Veshaj do të kishte fituar Big Brother Vip nëse do vazhdonte me Bora Zemanin.

Gjatë një interviste, koreografi u shpreh se aktori duhet të ishte fokusuar tek moderatorja dhe jo të krijonte lidhje të re me Beatrix Ramosajn.

Ai theksoi se nuk e ka mbështetur romancën e Donald Veshajt me këngëtaren, por vendosi të mos flasë sepse kjo do e dëmtonte lojën e tij.

Sipas Ilir Shaqirit krisja e marrëdhënies së çiftit nisi pas daljes së Beatrix Ramosajt nga BBV, duke shtuar se këngëtarja është “njeri që jepet”, kurse aktori e kishte mendjen më shumë tek loja se sa tek dashuria.

“Në qoftë se Donaldi do të kishte qenë inteligjent dhe ta kishte fokusuar veten në situatën me Borën, unë mendoj që do të fitonte. Nuk ndërhyra në raportin e tij me Beatrix sepse nuk kam dashur të interferoj në një lidhje. Donaldit ia thashë që mund ta kishte zhvilluar, mbajtur, interpretuar deri në fund atë që nisi me Borën, por nëse do ta kishte bërë mendoj që publiku do i kishte dhënë atë çmimin që aq shumë dëshironte.

Për sa i përket lidhjes me Trixën, nuk e kam mbështetur sepse nuk mbështes dashuritë që nisin brenda shtëpisë. Por kam shprehur që si ndjesi shikoja një Beatrix super të dhënë, një Donald shumë të ëmbël në drejtimin e saj dhe nuk kam dashur ta komentoj sepse duke goditur, përdorur, shfrytëzuar këtë lloj situate, do të kisha dëmtuar vetveten.

Kjo mund të ketë qenë një lloj strategjie që duke mos komentuar lidhjen Donald-Beatrix, u gjenda jashtë komenteve, por në sytë e tyre unë shikoja alkimi. Me daljen e Trixës nisi një lloj krisje. Beatrix është një person shumë i dashur që jepet, Donaldi e kishte mendjen më shumë te loja se te dashuria”, tha Ilir Shaqir