Një 40 vjeçar shqiptar nga Kosova i cili njihet si kreu i një prej rrjeteve të më mëdha të trafikimit të emigrantëve shqiptarë është dënuar me 10 vjet burg dhe me një gjobë mbi 1.1 milionë euro nga gjykata e Bryzhit në Belgjikë.

Gjithçka nisi në pranverën e vitit 2019, policia hasi rregullisht shqiptarë në rajonin përreth Veurnes të Belgjikës ndërsa po mbahej nën përgjim një organizatë e madhe e kontrabandës së qenieve njerëzore. Ai organizonte kalime të sigurta ku emigrantët shqiptarë trafikoheshin në Mbretërinë e Bashkuar me bashkëpunimin e shoferëve të kamionëve.

Sipas prokurorisë, banda ishte përgjegjëse për 16 transporte përmes të cilave u kaluan 143 emigrantë drejt Britanisë së Madhe. 40 vjeçari shqiptar nga Kosova Adriatik H. U dënua me 10 vjet në mungesë më 29 korrik 2020 si drejtues i bandës dhe u ndëshkua me një gjobë prej 1.1 milionë euro.

Të pandehurit e tjerë u dënuan deri në gjashtë vjet burg. Gjyqtari urdhëroi arrestimin e menjëhershëm të Adriatik H., i cili mësoi për dënimin e tij nëpërmjet policisë, transmetojnë mediat belge.

Avokatët e tij apeluan vendimin dhe tashmë pritet një gjyq i ri ndaj tij. Shqiptari Adriatik H. sapo mbërriti në Belgjikë u përball me policinë e cila e mori në pyetje duke i treguar bisedat telefonike të përgjuara.

Por ai pohoi se nuk ishte zëri i tij ai që ishtë përgjuar. Shqiptari nuk ishte i pranishëm në gjyqin e tij të ri më 2 mars, teksa përmes avokatit të tij ai vijon të kundërshtojë faktet, ndonëse është vërtetuar se është kreu i bandës që trafikon emigrantë drejt Britanisë së Madhe.