Trupat e civilëve në rajonin e Kievit vazhdojnë të zbulohen pas largimit të forcave ruse, me të paktën 400 të gjetur deri më tani, thanë zyrtarët ukrainas të hënën duke cituar informacione paraprake.
Përpjekjet për të gjetur banorët lokalë që qëndruan prapa nën pushtimin rus janë penguar nga prania e minave, tha ministri i Brendshëm ukrainas Denys Monastyrskiy në komentet televizive.
“Kam biseduar me ekipet e shpërtimit, ata kanë hapur korridoret për në disa shtëpi,” tha ai.
“Në qytete të tjera (në rajonin e Kievit), shtigjet janë të minuara. Shpëtuesit thonë se po lëvizin hap pas hapi tani dhe nuk përmendin numrin e civilëve të vrarë. Kjo shifër padyshim përllogaritet në qindra.
Shumë vendas raportohen të zhdukur. Po konstatohet se kush është rrëmbyer apo torturuar nga rusët, kush është zhdukur dhe nuk është kthyer më”.
Duke emërtuar vende si Bucha, Irpin dhe Hostomel, këshilltari i ministrisë së brendshme Vadym Denysenko tha se rreth 400 civilë janë gjetur të vdekur në rajonin e Kievit, por përcaktoi se ato shifra ishin paraprake dhe do të përditësoheshin.
