Ushtria ruse siç raporton The Independent dhe Reuterts, po dërgon ushtarë që të luftojnë në Ukrainë me armë që janë prodhuar në fund të shekullit të XIX, dhe janë përdorur gjatë Luftës së Dytë Botërore.
Raportohet se disa ushtarë janë dërguar në rajonin e Donbasit që të luftojnë me pushkët e quajtura Mosin, që janë prodhuar në vitin 1880.
Në anën tjetër, NATO vlerëson se në luftëra kanë mundur të humbin jetën deri në 15 mijë ushtarë rusë, derisa Kievi pretendon se numri i ushtarëve të vrarë rusë tejkalon shifrën prej 18 mijë.
Sidoqoftë, rusët janë duke pësuar humbje të mëdha si në njerëz ashtu dhe në makineri luftarake – duke i detyruar të tërhiqen dhe organizojnë rigrupim.
Ministria e Mbrojtjes së Rusisë ka pranuar më herët, por presidenti rus Vladimir Putin shumë herë ka mohuar një gjë të tillë – duke mos pranuar se janë dërguar ushtarë shtesë që nuk kanë kryer trajnime dhe nuk janë ushtarë profesionistë.
Kremlini tani po i bën thirrje edhe vullnetarëve që të lajmërohen në dy qytete të Siberisë – Chelabinsk dhe Tumen, e në mesin e vullnetarë ka shumë që janë mbi 60-vjeç, që kanë mbushur “zbrazëtirat” pasi kishte mungesa të mëdha si shofer tanku, snajperistë dhe inxhinierë.
