Punimet që po kryhen në qytetin e Vlorës tek zona e Sheshit të Flamurit duket se kanë ngritur pakënaqësi tek qytetarët vlonjat.

Një prej tyre është edhe gazetarja Ornela Hila, e cila ka ngritur shqetësimin e saj rreth kësaj cështje dhe u bën thirrje qytetarëve të Vlorës si dhe të gjithë Shqipërisë të marrin pjesë në protestën në mbrojtje të Sheshit të Flamurit.

Nëpërmjet një video të publikuar në rrjetin social ‘Facebook’ ajo thekson se Vlora dhe Shqipëria kanë nevojë për secilin prej nesh.

Sipas Hilës protesta do të zhvillohet ditën e enjte më datë 7 prill në orën 17:00.