Një bombul gazi ka shpërthyer në një banesë në Troshan të Lezhës ku për pasojë ka mbetur e dëmtuar një 67-vjeçare.

Sipas policisë gruaja është nisur drejt Tiranës për mjekim të specializuar teksa policia po punon për zbardhjen e rrethanave të ngjarjes.

Njoftimi i policisë:

Lezhë / Informacion paraprak

Rreth orës 11:25, në fshatin Troshan, Lezhë, tek banesa e shtetasit M.L. ka shpërthyer një bombël gazi ku për pasojë janë shkaktuar dëme materiale në banesë si dhe është lënduar shtetasja Gj.L. 67 vjeçe, e cila është dërguar për mjekim më të specializuar në QSU Tiranë.

Grupi hetimor ndodhet në vendin e ngjarjes dhe po kryen veprimet hetimore për sqarimin e plotë të rrethanave të ngjarjes.