Ish-kryeministri Sali Berisha ka folur pas mbledhjes së grupit parlamentar të PD-së që u zhvillua në selinë blu
I pyetur nga gazetarët nëse Komisioni i Rithemelimit do të japë apo jo një emër për president, Berisha tha se në rast se nuk ke votat, i gjithë procesi i propozimeve është i kot.
“Tani ka idera, por sa racionale janë ato, mund të propozosh po të kesh votat, mos të kesh votat tallesh me veten tënde”, u shpreh Berisha.
Gjatë komunikimit me gazetarët, Berisha tha se nuk e njeh Enkelejd Alibeajn si kryetar të grupit parlamentar të PD-së.
Sipas tij ai është peng i Taulant Ballës, dhe nuk mund të bëhet pjesë e negociatave për zgjedhjen e presidentit, sa kohë që PS i ka votat ta zgjedhë e vetme kreun e shtetit.
Në mbledhjen e sotme të grupit parlamentar, u vu re mungesa e ish-kryetarit Lulzim Basha, ish-sekretarit të Përgjithshëm Gazment Bardhi. Mungojnë po ashtu dpeutetët Grida Duma, Jorida Tabaku, Agron Gjekmarkaj, Luçiano Boçi, Tomor Alizoti, Xhelal Mziu, Edi Paloka, Flutura Açka, Helidon Bushati, Alfred Rrushaj, Emilja Koliqi, Fation Veizaj, Fedinand Xhaferraj, Kastriot Piroli, Kreshnik Collaku, Sorina Koti.
