Parlamenti i Ukrainës, ka marrë vendimin për të zgjatur edhe me 30 ditë të tjera, ligjin ushtarak në vend.

Lajmi është bërë i ditur në Telegram nga deputeti Yaroslav Zhelezniak, raportoi Reuters.

“Sot u mblodh sërish parlamenti. Sërish në qendër të kryeqytetit. U krye votimi për një sërë vendimesh të rëndësishme… [projektligji nr.] 7300 për zgjatjen e gjendjes ushtarake për një muaj, deri më 25 maj”, shkruan ai.

Zhelezniak shtoi se këtë vendim e kanë mbështetur 300 deputetë.

Siç është raportuar, më 19 prill, Presidenti Volodymyr Zelensky regjistroi në Verkhovna Rada projektligjin, nr. 7300, “Për miratimin e dekretit të Presidentit të Ukrainës “Për zgjatjen e ligjit ushtarak në Ukrainë”. Dokumenti zgjat periudhën e kohës së luftës në Ukrainë. Ukrainë nga ora 05:30 e datës 26 mars 2022 për një periudhë 30 ditore.