Kryeministri i Polonisë, Mateusz Morawiecki, e ka quajtur ndërprerjen e furnizimit me gaz nga Rusia “një sulm të drejtpërdrejtë” ndaj shtetit të tij.

Duke folur në parlamentin e Polonisë, Morawiecki tha se Rusia ka shtyrë kufijtë e “imperializmit të saj me gazin” dhe akuzoi Moskën për goditjen e ekonomisë evropiane përmes masave inflacioniste.

Ai u përpoq të siguronte ligjvënësit se Polonia ka mjaft gaz në depot rezervë, duke shtuar:

“Rusia jo vetëm që kreu një sulm brutal, vrasës në Ukrainë… por Rusia sulmoi gjithashtu të gjithë sigurinë energjetike të Evropës dhe sigurinë ushqimore.

Është një sulm i drejtpërdrejtë ndaj Polonisë… Ne do ta trajtojmë këtë shantazh, këtë ‘pistoletë në kokë’ në mënyrë të tillë që të mos prekë polakët. Polonia nuk do të ketë nevojë për gazin rus”.