Policia e Tiranës njoftoi sot se ka ngritur akuzën “Shkelja e rregullave të qarkullimit rrugor”, për shoferin e urbanit që përfundoi në lumin Lanë mbrëmjen e të premtes në Tiranë.

Autobusi drejtohej nga 62-vjeçari Muhamet Kyçyku, i cili ka qenë duke qarkulluar në korsinë e mesit kur ka humbur kontrollin dhe nuk ka mundur dot të ndalojë.

Kujtojmë se aksidenti ndodhi pak ditë më parë, ku për pasojë u lënduan 6 persona.

Njoftimi nga Policia Tiranë:

Specialistët e Qarkullimit Rrugor proceduan penalisht shtetasin M. K., 62 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar mjetin tip autobus, është përplasur me mjetin me drejtues shtetasin J. R., dhe si pasojë e aksidentit, dy mjetet kanë rënë në lumin Lana.