Tirana fitoi me përmbysje mbrëmjen e djeshme 1-2 ndaj Partizanit në javën e 33 të Superligës në futboll. Sfida në “Elbasan Arena” ka dhuruar emocione të forta, me bardheblutë që triumfuan ndaj Demave dhe siguruan titullin e 26 kampion në derbi.
Urimet për bardheblutë vijnë edhe nga jashtë kufijve të Shqipërisë. Janë Shvercerat e Shkupit ata që kanë postuar në rrjetet sociale urimet për kampionët e Shqipërisë. Tifozët e Shkupit pak ditë më parë festuan titullin në Maqedoninë e Veriut, duke u përfshirë sërish në një tjetër festë bardheblu, këtë herë për Tiranën.
“Po festohet nga Shkupi në Tironë. Urime vëllezër titulli kampion. 1989 dhe 2006 deri në fund”, shkruajnë.
