Gjykata e Vlorës ka dhënë masën e sigurisë arrest me burg për 34-vjeçarin Eduard Kondi, që pak ditë më parë qëlloi me armë në drejtim të vëllait të tij, ngjarje e ndodhur në një prej plazheve të Radhimës.

34 vjeçari ka shtënë disa herë drejt ndaj vëllait të tij Benjamin Kondi, por fatmirësisht nuk është lënduar askush. Gjatë momentit të ngjarjes në plazh ka patur edhe pushues vendas e të huaj.

Menjëherë pas ngjarjes policia e ka arrestuar Eduart Kondin në banesën e tij në Vlorë. Ndërsa më pas edhe vëllai Benjamin Kondi ka shkuar në polici për të sqaruar ngjarjen.
Gjykata ndërkohë pas kërkesës së prokurorit ka vendosur masën e arrestit me burg.