Ata e mbajtën në vëzhgim për disa kohë pasi dyshuan se ishte një “peshk i madh” i një organizate kriminale të dedikuar për trafikun e drogës dhe kishin të drejtë, duke qenë se në shtëpi kishte dy kilogramë kokainë dhe shtatë kilogramë marijuanë.
Zbulimi erdhi pas një hetimi kompleks të kryer nga seksioni i lëvizshëm i njësisë së policisë ekonomike dhe financiare të Guardia di Finanza të Fermos dhe pas sulmit, Valter Serani, një 40-vjeçar me origjinë shqiptare, përfundoi në pranga.
Operacioni në fakt nisi mbrëmjen e së shtunës kur efektivët e “Flakëve të Verdha”, pasi e kishin ndjekur dhe vëzhguar për një kohë të gjatë Seranin, menduan se ishte koha për të marrë masa. Kështu, policia ka vendosur më në fund, me iniciativën e saj, të hyjë në shtëpinë e burrit, që ndodhet në zonën e Porto Sant’Elpidio dhe ka kryer një kontroll të imtësishëm me ndihmën e njësive të qenve.
Në shtëpinë e të dyshuarit Guardia di Finanza ka gjetur një sasi të madhe droge gati për t’u shitur. Të fshehura dhe të mbështjella me celofan, pako kokaine dhe thasë me marijuanë u gjetën tashmë të peshuara dhe gati për t’u hedhur në tregun me shumicë.
Lënda narkotike ishte fshehur mirë mes mobilieve dhe në vende të fshehta brenda banesës, por pavarësisht kësaj, ajo nuk i ka shpëtuar nuhatjes së qenit të drogës që mori pjesë në blic. 40-vjeçari u arrestua menjëherë në flagrancë. Nga ana tjetër janë sekuestruar kokaina dhe marihuana. Droga, e përzier dhe e hedhur në treg, do të jepte një shumë parash të llogaritur në rreth 400,000 euro.
Arrestimi u vërtetua dje para gjyqtares hetuese të gjykatës së Fermos, Mari Grazia Leopardi dhe zv/prokurores që koordinon hetimet, Eugenia Sinigallia. Për Seranin, të mbrojtur nga avokati Maurizio Cacaci, u caktua arrest shtëpie. Por hetimet nuk duket se janë absolutisht të destinuara të përfundojnë këtu. Hetuesit janë të bindur se 40-vjeçari është vetëm një pjesë e një rrjeti shumë më të madh dhe se përballen me një nga anëtarët e një organizate ndërkombëtare italo-shqiptare që menaxhon trafikun e kokainës nga Tirana në zonën e Fermos.
Sipas njerëzve të Guardia di Finanza-s, territori italian do të ishte udhëkryqi nga ku do të ndahej droga dhe më pas do të klasifikohej në pjesë dhe zona të ndryshme të Italisë.
