Deputeti i PD-së, Lefter Gështenja ka zhvilluar një takim me demokratët e degës nr. 7 në Tiranë.

Në një postim në Facebook, Gështenja bën me dije se gjatë takimit është shtruar domosdoshmëria për bashkimin e PD-së.

Sipas tij, zgjidhje për PD-në është vetëm një process gjithëpërfshirës i bazuar në votë dhe meritokraci.

Postimi i Lefter Gështenjës:

Mes demokratëve në Degën 7, folëm mbi nevojën urgjente të bashkimit të Partisë Demokratike. Të gjithë flasin për bashkim, por askush nuk zbret në terren të dëgjojë realisht zërin e demokratëve.

Shumë shpejt vijnë zgjedhjet lokale dhe nëse vazhdohet kështu përfituesi më i madh është Edi Rama.

Situata në Partinë Demokratike ka vetëm një zgjidhje, një proces gjithëpërfshirës i bazuar në votë dhe meritokraci!