Kryeministri Edi Rama zhvilloi sot një takim me kryeministrin e Luksemburgut Xavier Bettel, me të cilin doli më pas në një konferencë për mediat.

Rama falënderoi publikisht Bettel dhe shtetin e tij për mbështetjen që i kanë dhënë integrimit të Shqipërisë në BE.

Ai e cilësoi Luksemburgun një vend të vogël në përmasa por me peshë të madhe.

Rama: Kemi diskutuar për atë që vjen më tutje. Ne jemi në procesin e negociatave, kemi folur për konfliktin dhe domosdoshmërinë për të mbështetur Ukrainën në luftën e saj të drejtë, kemi folur për vijimësinë e procesit të përafrimit politik me BE dhe vendet që negociojnë për tu afruan në BE. Luksemburgu është i vogël në përmasa po me peshë të madhe, ashtu si floriri. Dëshirojmë të kemi më shumë interes dhe aktivitet nga kompanitë luksemburgeze. Ato kanë filluar të interesohen për rajonin. Është shumë e rëndësishme që ne ti ftojmë.

Dua të shtoj se Luksemburgu ka një komuntet shqiptar të respektuar. Dua të mbyll këtë fjalë me një falenderim për kryeministrin, edhe për interesimin e posacëm për rajonin. Luksemburgu në tryezën e BE është një zë shumë i rëndësishëm, për të nxitur dialogun mes Kosovës dhe Serbisë. Dua ta falenderoj për mbështetjen ndaj Shqipërisë dhe rolin e tij në bindjen e aktorëve europian për hapjen e negociatave.