Situata e krijuar prej tre ditësh për shkak të aksionit të paligjshshëm të IKMT-së në “Prestige Resort” ka sjellë anulim të fluturimeve të turistëve të huaj drejt Shqipërisë.
Agjencia turistike Happy Tours ka bërë me dije se dy avionë charter me turistë të cilët vinin nga Polonia dhe Çekia, kanë anuluar vizitën.
Fluturimet do të sillnin në vendin tonë 350 turistë të huaj që kishin zgjedhur të vizitonin Shqipërinë, por për shkak të pamjeve të publikuara në mediat e huaja gjatë shembjeve te “Prestige Resort” ata kanë ndryshuar planin e tyre.
Gjysma e turistëve kishin prenotuar në hotelin “Prestige Resort”, ndërkohë që pjesa tjetër do shpenzonte paratë për të pushuar ne Shqipëri.
