Pas sulmit kibernetik ndaj faqeve qeveritare në Shqipëri, qeveria ka vendosur të ngrijë marrëdhëniet diplomatike me Iranin.

Kryeministri Edi Rama ka deklaruar se sulmi kibernetik ndaj faqeve qeveritare në vendin tonë është sponsorizuar nga republika e Iranit.

Ai tha se pjesë e tij kanë qenë katër grupe të ndryshme nga Irani, mes tyre edhe një nga grupet më famëkeqe që ka sulmuar disa shtete të tjera.

“Sulmi i 15 korrikut nuk ishte aksion individësh por një agresion shtetëror. Agresioni kibernetik është sponsorizuar nga republika e Iranit. Ka angazhuar 4 grupe për sulmin ndaj Shqipërisë, ndër to edhe një nga grupet më famëkeqe që ka sulmuar shtetet të tjera si Izraelin, Qipron etj.

Kemi lajmëruar vendet e NATO-s duke ndarë rezultatet e hetimit. Kemi vendosur ndërprerjen e marrëdhënieve diplomatike me republikën Islamike të Iranit. Ambasadës së Iranit i është kërkuar largimi brenda 24 orëve”, tha Rama.

Kujtojme se sulmi kibernetik ndaj faqeve të shërbimeve dhe atyre qeveritare në vendin tonë ndodhi më 17 Korrik të këtij viti.