Njëra prej anijeve që do prodhojë energji elektrike ka mbërritur në portin e Vlorës. Shqipëria ka marrë me qera dy anije që prodhojnë energji elektrike.

Bëhet fjalë për një marrëveshje 2 vjeçare të nënshkruar me Shtetet e Bashkuara të Amerikës. Anijet do vendosen në triportin e Vlorës.

Anija do të prodhojnë energji për nevojat e Shqipërisë deri në momentin që termocentrali i Vlorës të vihet në funksion.

Në prill të këtij vitit Ministrja e Energjisë dhe Infrastrukturës, Belinda Balluku njoftoi se Shqipëria do të merrte me qira dy anije që prodhojnë energji elektrike.

Kontrata e qiramarrjes së anijeve që prodhojnë energjisë është për një periudhë 2-vjeçare.

Në mars 2021, Qeveria e Shqipërisë nënshkroi një marrëveshje bashkëpunimi me kompaninë amerikane ExxonMobil dhe Excelerate Energy për termocentralin e Vlorës, për të përdorur gazin e lëngshëm në prodhimin e energjisë elektrike.

Ndërkohë nga ambjentalistë dhe politikanë të opzitës ka patur akuza të shumta se një operacion i tilllë përveç dëmeve në buxhet do të shkaktojë edhe një ndotje të madhe mjedisore në të gjithë zonën bregdetare.