Një makinë luksioze Ferrari u dëmtua pasi u përplas me katër makina të parkuara përgjatë Viale XXI Aprile në Romë.

Nga përplasja është shkatërruar pjesa e përparme e majtë. Dëme mijëra euro. Aksidenti ka ndodhur para syve të habitur të kalimtarëve, të cilët janë ndalur për të admiruar makinën e shtrenjtë.

Ngjarjet kanë ndodhur pranë Piazza Bolonjës. Një 34 vjeçar me kombësi shqiptare, po drejtonte Ferrarin, për arsye të panjohura dhe ende nën hetim, humbi kontrollin e makinës duke goditur katër makina të parkuara në rrugën numër 22.

Ai nuk mundi të rimarrë kontrollin dhe të ndalojë për të shmangur goditjen, kështu që pjesa e përparme e majtë e makinës u dëmtua, si dhe katër të tjerët. Në vendngjarje për zbardhjen e rastit ndodhen agjentë të policisë lokale të kryeqytetit Roma të Grupit II Sapienza, të cilët kanë kryer kontrollet e nevojshme dhe kanë dëgjuar drejtuesin e Ferrarit. Fatmirësisht nuk ka të lënduar.