Prokuroria e Posaçme ka shpallur pretencën për anëtaren e KPK-së Etleva Çiftja. SPAK ka kërkuar 1 vit burg për atë por që ky dënim të konvertohet në shërbim prove per dy vite.

SPAK kërkoi shpalljen fajtore për Çiften per akuzat e refuzimit për deklarim dhe fshehje, e falsifikim dokumentash në formën e përdorimit.

Konkluzionet përfundimtare u lexuan nga prokurorja Enkelda Minollai.

Sipas SPAK, Çiftja ka marrë një kredi për blerjen e nje apartamenti duke falsifikuar dokumentat.

Çiftja ka blerë fiktivisht dy siperfaqe toke në Kavajë që disponoheshin nga familja e saj dhe më pas dorëzoi në një bankë të nivelit të dytë dokumentat hipotekore ku përfitoi kredinë për blerejn e një apartamenti me vlerë 42 mije dollarë.

Në leximin e pretencës SPAK thotë se Çiftja ka kryer blerje fiktive të siperfaqës së tokës në pronësi të familjarëve të saj me qëllim që të mashtronte bankën, për të përfituar kredinë.