Kryetari i partisë së Lirisë, Ilir Meta gjatë një konference për mediat gjatë ditës së sotme tha se kishin nisur përpjekjet për zgjedhjet vendore të ardhshme.

Mes të tjerash, ai tha se prioriteti kryesor ishte fitorja e opozitës ndërsa shtoi se isht i hapur për bashkëpunim me partinë Demokratike.

Ilir Meta: Lidhur me zgjedhjet e ardhshme vendore ne kemi nisur përgatitjet. Ambiciet janë shumë të forta ku pa dyshim ështën jë moment historik ku Shqipëria do ndahet nga një regjim një partiak, ku një parti kishte të gjithë bashkitë në dorë. Besoj se këto 4 vite të një keqqeverisje totale në një pushtet lokal kanë qenë të mjaftueshme për t’i dhënë asaj ndëshkimin e merituar. Objektivi ynë është fitorja e opozitës. Jemi të hapur për të bashkëpunuar me PD-në dhe faktorët e tjerë opozitarë në mënyrë që të mbështeten kandidatët më të mirë.