Kryetari i Partisë së Lirisë, Ilir Meta deklaroi se vendimi i Qeverisë për të mbyllur shkollën Mehmet Akif, apo dhe një kopesht po të këtej institucioni, është një vendim arbitrar i Këshillit të Ministrave.

Meta tha se këto vendime të Qeverisë janë të atakueshme në gjykatat ndërkombëtare dhe ky sipas tij do të jetë një detyrë që do e paguajnë shqiptarët për shkak të veprimeve të asaj që ai e quajti “banda në pushtet”.

“Lidhur me çështjen e protestave dhe grevave kemi thënë se vendi ka nevojë për protesta dhe greva kudo ku ka shkelje të ligjit, korrupsionit dhe skena krimi. Ju e keni parë që edhe për meritë të vendimeve te qeverisë çdo ditë ka protesta dhe greva, të fëmijëve, nxënësve, parashkollorëve. Jeni njohur me vendimet absurd që nuk kanë asnjë lidhje me shtetin ligjor.

Kujdesin ndaj arsimit, fëmijëve, siç janë aktet e fundit arbitrare të qeverisë. Pasi ka filluar shkolla dhe kopshti gjenden sepse që nuk kanë lidhje me ligjin për të bërë akte të tilla të cilat tregojnë edhe njëherë sa e rëndësishme është e gjithë shoqëria të reagojë fort ndaj kësaj qeverie që sillet si bandë dhe është e gatshme t’i shkaktojë trauma fëmijëve.

Edhe aktet e gjykatës dje janë të turpshme. Këto janë detyrime që Shqipëria dhe shqiptarët do i paguajnë. Këto janë procese që kushdo mund t’i fitojë shumë thjeshtë. Mos harrojmë sa po ngarkohet qeveria nga vendimet arbitrare në gjykatat ndërkombëtare duke shtuar detyrimet që duhet të paguajnë për shkak të veprimeve të bandës në pushtet”, tha Meta