Sot anëtarë të FRPD janë thirrur për të zgjedhur drejtuesin e tyre. Zgjedhjet për lidershipin e ri të FRPD po mbahen në të gjithë vendin.

Qendrat e votimit janë të ndara sipas degëve të Partisë Demokratike. Orari i votimit është nga ora 08:00 deri në 18:00.

Procesi i zgjedhjeve në FRPD ka një rëndësi të madhe për forcën politike që aderojnë.

Komisioni Zgjedhjorë FRPD Kukës ka nisur punën në orën 08:00 e gjatë dy orëve të para kanë votuar afro 20% e antarësisë, thotë drejtuesi i këtij forumi Indrit Cengu.

Indrit Cengu: Procesi për zgjedhjen e lidershipit të Forumit Rinor të Partisë Demokratike të Shqipërisë është hapur në orën 8:00 deri në orën 18:00 kur mund të votojnë. Në dy orët e para të mëngjesit pjesëmarrja ka qënë e kënaqshme, afro 20% e të rinjve kanë shprehur vullnetin e tyre për zgjedhjen e lidershipit. Procesi do të vazhdojë të jetë i hapur deri në orën 18:00 ku të rinjtë mund të vijnë të votojnë. Procesi ka vazhduar të jetë i rregullt dhe nuk ka pasur asnjë problem.

Kandidatët që garojnë për kreun e Forumit Rinor të Partisë Demokratike të Shqipërisë janë:

Alesia Balliu

Arnold Kariqi

Artion Barjamaj

Barbara Doda

Besart Xhaferi

Mariglend Doçi