Kryetari i Partisë së Lirisë, Ilir Meta në një dalje për mediat teksa nesër është protesta e pedagogëve. Meta i ka bërë thirrje qeverisë të rrisë rrogat e pedagogëve pasi tha se kërkesat e tyre janë legjitime.
“Të reflektojë, kërkesat e pedagogëve janë shumë realiste, brenda dy viteve të rriten pagat e tyre 50%, jo në mënyrë ultimative.
Dhe si ish kryeministër është tërësisht e mundur nëse ka vullnet përgjegjësi e nëse vlerësohet se mbështetja për arsimin do e cojë përpara këtë shoqëri e do e bëjë më të sigurtë. Në vitin 2001, qeveria Meta rriti menjëherë 45-50% rrogat e pedagogëve.
Ku do i gjejnë? Lekët janë mjafton të bllokohet afera e incenerartorëve ku vidhën qindra miliona euro, mjafton mos të vidhet me kilometrat e rrugës së re, 6 herë më shtrenjtë se në Serbi e 8 herë më shtrenjtë se në vendet e BE. Mos bëhen rrush e kumbulla lekët e bashkive për të kënduar këngë te tuneli. Për të kënaqur delieret e njerëzve që kanë humbur përgjegjësitë. Faktori më i rëndë i kësaj krize është keqqeverisja”, u shpreh Meta.
