Më herët u zbulua, se vajza e autorit të vrasjes, Fiqiri Mjeshtrit ka pranuar se ka pasur njohje në rrjetet sociale dhe ka komunikuar me 17-vjeçarin, Renato Hasula për rreth dy muaj dhe më pas e ka ndërprerë.

Bëhet me dije se konflikti ishte rënduar 4 ditë më parë kur të miturës i është vjedhur instagrami dhe është kërcënuar se do t’i publikoheshin fotot e saj. Ndërkohë grupi hetimor ka sekuestruar telefonin etë miturës për të siguruar prova të mëtejshme të kërcënimeve që i ishin bërë asaj.

E gjithë ngjarja ku mbetën të vdekur babë e bir, Ilir dhe Kenad Shira dhe u plagosën po ashtu babë e bir, Englantin dhe Renato Hasula, ku ky i fundit, mendohet të jetë shkaktar i gjithë konfliktit.

Fillimisht kanë debatuar me njëri tjetrin dhe më pas Fiqiri Mjeshtri ka nxjerrë pistoletën dhe ka qëlluar 6 herë ndaj viktimavedhe të plagosurve.

Dëshmitarët okularë thonë se ai është larguar drejt banesës së tij ku rreth 500 metra më tutje është gjetur i vdekur me plumb në kokë. Arma me të cilën ka vrarë veten është e njëjta me të cilën ka kryer edhe krimin e rëndë.

Sa i përket lirimit të dy vëllezërve të autorit, ata kanë deklaruar se nuk kishin pasur dijeni se vëllai i tyre kishte qenë i armatosur. Ai njihej si person i qetë në Klos, fillimisht kishte qenë emigrant në Angli dhe më pas kishte ardhur në vendin tonë ku ka nisur një biznes.