Deputetja ukrainase Kira Rudik ka deklaruar se ishte gati nëse Putin vendoste të përdorte armë bërthamore. Në një intervistë për Sky News, ajo foli mbi përgatitjet që njerëzit e saj kishin bërë në rast se diçka e tillë ndodhte.

Udhëheqësja e partisë Holos të qendrës së djathtë, u shpreh se kishte një çantë gati nëse presidenti Putin lëshon raketa dhe ka planifikuar gjithashtu për situata të tjera me të cilat mund të përballet Ukraina këtë dimër.

“Unë kam një çantë shpine poshtë shkallëve me gjithçka që shkencëtarët tanë thonë se është e nevojshme dhe ne të gjithë e dimë se si të veprojmë nëse do të ketë një sulm bërthamor.

Ne duhet të përgatitemi për ndërprerjet e energjisë elektrike dhe të kemi në çdo shtëpi diçka si strehë për bombë, e pajisur me gjithçka që do të ishte e nevojshme, nëse do të ketë një tjetër granatim të Kievit”– tha ajo.