Kreu i PD Sali Berisha nga foltorja e Kuvendit mbështeti protestën e pedagogëve teksa vijoi akuzat ndaj qeverisë.
Berisha tha se qeveria harxhon me mijëra euro për shërbime luksi ndaj edhe nuk rriten pagat e pedagogëve.
Berisha: Sulmon si i tërbuar kundërshtarët politik, bën gjyqin e opozitarëve njëri pas tjetri e ka shndërruar SKAP-in në një vegël të partisë, vërsulen dhe i vënë shiritin Agron Shehajt pa asnjë dokument, pa çka se aty janë 200 familje që mbahen me rroga. Është trashëgimtar i së keqes ky, s’ka norma, s’ka moral s’ka ligj.
Isha në Gjirokastër më tha pedagogia marr 600 euro në Kosovë marrin 1200, pse më të varfër jemi ne se Kosova. Po këta ja kërcasin biftekut 1 mijë euro, marrin avionin taksi 15 mijë euro, se paguajnë shoferin më shumë se rektorin në Universitet, se i marin universiteteve 700 milionë lekë duke kundërshtuar autonominë.
Prandaj pedagogët dalin, ajka e vendit, njëri prej tyre ka tru më shumë se këta pas shpinës time që dalin dhe çuçurrisin sa herë dal unë këtu. Çfarë ka ky me kombin shqiptar është e vështirë ta marrësh vesh, por antishqiptar si ky nuk ka patur në 110 vitet e shtetit shqiptar. Ia ndërpreu 8 vite doktoraturat dhe duhet të jesh injorant që të marrësh një vendim të tillë.
A mund të jetojë universiteti pa kërkim shkencor, universiteti thahet, ia dha universiteteve private që i çonin para. Hajde të bëjmë vetingu tregu pak si i ke marrë ato 5 mijë hektarë.
