Një e mitur është përplasur nga makina teksa po kalonte rrugën me nënën e saj në lagjen nr.1 të qytetit të Sarandës.

3-vjeçarja me iniciale A. M., është dërguar në spital ku ndodhet jashtë rrezikut për jetën. Mësohet se ajo për një moment iu është shkëputur nënës nga duart dhe u aksidentua nga automjeti në rrugë.

Makina drejtohej nga 22-vjeçari M. Marku, banues në Ksamil. Ndërkohë policia ndodhet në vendngjarje dhe po heton rrethanat e aksidentit.

Sarandë/Informacion paraprak

Sot, rreth orës 12:10, në lagjen nr.1, Sarandë, shtetasi M. M., 22 vjeç, banues në Ksamil, duke drejtuar automjetin tip “Hyndai”, ka aksidentuar në rrugë, një fëmijë 3 vjeçe, e cila ndodhet në spital, jashtë rrezikut për jetën.

Drejtuesi i automjetit është shoqëruar në Komisariat, për veprime të mëtejshme.