Kabineti i qeverisë së Mario Draghi, ka vendosur që vaksinimi i mjekëve, infermierëve, personelit ndihmës spitalor dhe farmacistëve të bëhet i detyrueshëm. Masa zbatohet për stafin e sistemit shëndetësor kombëtar italian, por edhe për atë të klinikave private dhe qendrave diagnostikuese.

Rregulli i ri anti-COVID i miratuar nga qeveria italiane, në rastet e refuzimi shoqërohet me një sanksion, i cili është pezullimi i pagës deri në marrjes e dozës së vaksinës si dhe transferimi në zona që nuk sigurojnë kontakte me pacientë dhe kategori që janë më të predispozuar të infektohen me COVID.

Sot në Itali janë regjistruar 23,904 raste me koronavirus dhe 467 viktima. Në total, u kryen 351,000 teste diagnostikuese, 6.8% e të cilave ishin pozitive. Që nga fillimi i pandemisë, 3,584,899 njerëz janë infektuar dhe 109,346 kanë vdekur.