Kryeministri i Shqipërisë Edi Rama në një postim në Facebook ka dhënë lajmin e mirë lidhur me vaksinimin masiv. Rama ka deklaruar se brenda prillit do të vijnë në vend 23 mijë doza të tjera Pfizer.
Kreu i qeverisë thotë se shumë shpejt do të ngjiten ne shkallët e larta të klasifikimit në Evropë për volumin e vaksinimit.
🟢 LAJM I MIRË
Brenda javëve të prillit edhe 23 mijë doza të tjera PFIZER😍
*Ne do ta lehtësojmë sezonin turistik me se s’bën; do të ngjitemi shumë shpejt në shkallët e larta të klasifikimit në Europë, për volumin e vaksinimit; do ta nxjerrim jashtë Armikun e Padukshëm më shpejt se shumë të tjerë në kontinentin tonë💪
Shqipëria është sot në ditën e 6 të fillimit të procesit të vaksinimit masiv Deri tani janë kryer 155.463 vaksinime në të gjithë vendin. Vetëm ditën e djeshme u bënë 16.617 vaksinime.
Qeveria shqiptare ka siguruar deri më tani vaksinat Pfizer, AstraZeneca, ajo ruse Sputnik dhe ajo kineze Sinovac. Autoritetet kanë bërë me dije se objektivi është që brenda majit të jenë vaksinuar gjysmë milioni shqiptarë.
