Një 42-vjeçar, Angelo Reina, me origjinë nga Valderice, ka vrarë me armë zjarri ish-partneren e tij, Marisa Leo, 39 vjeçe, me origjinë nga Salemi.

Reina i kërkoi gruas një takim për t’u “sqaruar”, në biznesin e familjes dhe pasi u takuan e vrau.

Trupi i pajetë është gjetur nga policia rrugore. Viktima e kishte denoncuar ish-in për përndjekje në vitin 2020.

Burri i drejtoi armën viktimës dhe qëlloi të paktën tre të shtëna. Çifti kishte një vajzë trevjeçare, por të dy nuk ishin bashkë prej disa kohësh. Ai i kishte kërkuar një takim për t’u “sqaruar”, takim ky që rezultoi fatal për 39-vjeçaren.

“Komuniteti ynë është i tronditur nga ajo që ndodhi. Nuk ka fjalë për të përshkruar dhimbjen për një tragjedi absurde dhe të papranueshme. Unë i shpreh ngushëllimet dhe afërsinë time familjes në emër tim, Administratës dhe gjithë qytetit të Salemit. Përqafojmë familjarët në kujtim të një vajze me diell që e donte jetën. Dita e varrimit do të jetë zi në qytetin e Salemit: duhet të kthejmë në qendër të vëmendjes një fenomen të papranueshëm dhe të padurueshëm siç është femicidimi. Mirupafshim Marisa…”, kështu kryebashkiaku i Salemit, Domenico Venuti, për tragjedinë që ka shkatërruar qytetin në provincën e Trapanit.