Një zjarr masiv ka përfshirë ditën e sotme, kodrat me ullishte në Peshtan të Fierit.

Zjarri është pikasur fillimisht nga banorët e zonës të cilët kanë njoftuar menjëherë shërbimin zjarrfikës.

Në vendngjarje kanë shkuar tre zjarrfikëse të Fierit, por flakët të favorizuara edhe nga era jane përhapur me shpejtësi duke rrezikuar edhe zonën e banuar.

Për neutralizimin e flakëve në ndihmë kanë ardhur edhe banorë të zonës me mjete rrethanore si dhe një zjarrfikëse e Rroskovecit dhe një e kompanisë Albpetrol.

Sipas shefit të shërbimit zjarrfikës në bashkinë Fier, Zija Hyka, terreni i vështirë e bënë të pamundur shuarjen e flakëve ndaj po ndërhyet me helikopter.